ဆောင်းရသ

မိုးမင်းရယ်ခွာ

ဆောင်းရိပ်သာ၍

နှင်းလာမိုးပျောက်

အေးခြင်းရောက်သည်

ဆောင်းရသလည်းစခဲ့ပြီ။

ပန်းပွင့်စပယ်

နှင်းဆီရယ်နဲ့

ပန်ရွယ်တင့်ထူး

ဆောင်တော်ကူးသည်

ဆောင်းရသနဲ့လိုက်ဖက်ညီ။

လွမ်းသည်တမ်းသည်

ကာလဆီက

မှန်းရည်တွက်ဆ

တက္ကသိုလ်လမ်းဝ

နှင်းဝေစမှာ

တူတူလျှောက်ဖူး

စကားဦးတို့

ခွန်းဆိုပျော်ကြ

ကျောင်းဖွင့်စက

ဆောင်းရသလည်းလွမ်းမိသည်။

မှိုင်း(ဓာတု)

၁၈.၁၂.၂၀၂၂ ည၈နာရီ၅၀မိနစ်တွင်

ရေးစပ်ပြီးစီးပါသည်။

 

မြတ်ဆရာ၏စေတနာ

 

မြတ်ဆရာ၏

စေတနာမိုး

ရွာသွန်းဖြိုး၍

ပန်းပျိုးလက်များ

ပြည့်စွမ်းအားတိုး

ခန့်ညားဖို့လေ

တောင်းဆုချွေ။

 

မြတ်မျိုးမြင့်မာန်

(၂၈.၈.၂၀၂၂) တွင် ခံစားတင်ပြသည်။

ပြန်ပါတော့မိုးရယ်

 

တကယ်ကတော့ ဘာမှမဟုတ်ပါဘူးကွယ်

 

နေမင်းကြီးလည်း

မင်းမရှိရင် ရှိနေမှာပါဘဲကွယ်။

လမင်းကြီးလည်း

မင်းမရှိရင် ရှိနေမှာပါဘဲကွယ်။

ဒါတွေကို မင်းသိရက်နဲ့

မင်းကိုယ်မင်း ဘာထင်နေသလဲကွယ်။

ကမ္ဘာမြေကြီးလည်း

မင်းမရှိရင် ရှိနေမှာပါဘဲကွယ်။

မြန်မာပြည်ကြီးလည်း

မင်းမရှိရင် ရှိနေမှာပါဘဲကွယ်။

ဒါတွေကို မင်းသိရက်နဲ့

မင်းကိုယ်မင်း ဘာထင်နေသလဲကွယ်။

မင်းမရှိရင် မင်းရှိနေဖို့က

မေတ္တာတရားတွေ.....

ကရုဏာတရားတွေ.....

မုဒိတာတရားတွေ.......

မင်းထားခဲ့မှဆိုတာ

မင်းအခုထိ မသိသေးတာကတော့

မင်းမရှိရင် ရှိနေမယ့်အရာတွေကို

မင်းမဆင်ခြင်မိသေးလို့ပေါ့ကွယ်။

မြတ်မျိုးမြင့်မာန်/ မှိုင်း(ဓာတု)

(၁၀.၆.၂၀၂၂)

အနိစ္စကိုမြင်ပါကွယ်

 

အတ္တထက်

ပရကိုခင်

သံသရာလွင်ပြင်မှာ

ကျွန်ုပ်တို့ အနာဂတ်ကို

ကျွန်ုပ်တို့ ဖန်တီးရမည်ပင်။

ဗုဒ္ဓအရှင် မြတ်တရားနဲ့

စိတ်ထားကိုပြုပြင်

အားလုံး အနိစ္စသဘောကို

သိမြင်ရမှာပင်။

မြတ်မျိုးမြင့်မာန်

(၉.၁.၂၀၂၂)

တောင်းဆု

 

ဘုရားရှေ့ဝယ်

ဦးချဝတ်တွား

သစ္စာထားလျက်

ပန်ကြားကုသိုလ်

တောင်းဆုကိုလည်းဆိုပါသည်။

မဂ္ဂင်ရှစ်ပါး

စောင့်ထိန်းထားလျက်

မမှားစရိုက်

သုစရိုက်ကို

ဦး၌သို၍

ကောင်းမှုကိုလည်းဆိုပါသည်။

ကံကြမ္မာကို

ဖြစ်စေလိုကျ

စိတ်ဆိုသမျှ

ဖြစ်စေရရန်

တောင်းဆုပန်သည်

ကောင်းမှုမှန်သမျှ ဖြစ်စေသော်ဝ်။

မြတ်မျိုးမြင့်မာန် / ဦးမြင့်ဝင်းလှ (ပညာရေး)

(၈.၁.၂၀၂၂) စနေနေ့

အလွမ်းညနေ

 

ည​နေဆည်းဆာ

ပြန်ချိန်မှာလေ

သူသာနားမှာ

ရှိနေပါက

အခါခါပျော်

ရင်၌သော်လည်း

ကြင်ဖော်အလွမ်း

ပေါ်လာတမ်းမိ

မျှော်မှန်းသိစေ

ချစ်သည့်မေရေ။

မှိုင်း(ဓာတု) ဓာတ်ပုံ - စိုင်းမြင့်ဝင်းလှ

၂.၁.၂၀၂၂ တွင် ရေးသားပါသည်။