အချစ်ကဗျာများနှင့် ရသစာစု ခံစားမှုများ မှိုင်း(ဓာတု)

Monday, August 17, 2020

တမ်းတခြင်းခဏတာ

ကိုယ်တွေကနွမ်း ရင့်ရော်စမ်းပ
ဒီလမ်းဒီစခန်းကတော့ လန်းဆဲလေ။
အတိတ်အစ ပြန်ငေးရလည်း
ချစ်လှသူတွေ ဘယ်မလဲလေ။

မှိုင်း(ဓာတု)

၂၆.၁၂.၂၀၁၉

ဘဲဥခွဲပေးခဲ့ဖူးသူ ဆရာတစ်ယောက်အကြောင်း

လွန်ခဲ့တဲ့ နှစ်ပေါင်းနှစ်ဆယ်ကျော်က ကျွန်တော်တာလေမှာ
မူလတန်းကျောင်းအုပ်တာဝန်ကော ၊နယ်မြေမှူး
အုပ်စုမှူးတာဝန်တွေကိုပါ မြို့နယ်ပညာရေးမှူးက
တာဝန်ပေးလို့ ဆောင်ရွက်ခဲ့ဖူးပါတယ်။
မိမိတာလေကို တပ်တွင်းမူအုပ်နဲ့စတင်တာဝန်ထမ်းဆောင်
တဲ့နှစ်မှာဘဲ အထကခွဲကျတာမကြာလှသေးတဲ့ တာလေ
အနေနဲ့ တက္ကသိုလ်ဝင်တန်းအောင်မြင်သူမရှိဘဲ
ဘဲဥရသွားတာသိခဲ့ရဖူးပါတယ်။
ကျသွားတဲ့ကလေးထဲက တစ်ချို့ ကျွန်တော့်ဆီမှာ 
ဆယ်တန်းစာတွေကို ခင်မင်လေးစားမှုအရ
မိမိသင်ကြားပေးစေလိုကြောင်း  မေတ္တာရပ်ခံချက်အရ
အိမ်မှာ ညစဉ်ညတိုင်းတစ်နှစ်တာ ကလေးတစ်စုကို
မြေဖြူရနံ့တွေရှူလို့  နေ့ဆို တာလေတပ်တွင်း
မူလတန်းကလေးတွေကိုကျောင်းမှာသင်ပြီး ညဆယ်တန်း
ကလေးတွေနဲ့ စေတနာအပြည့် အခမဲ့ သင်ကြားခဲ့ဖူးပါတယ်။
အဓိကကတော့ ဘာသာရပ်ကျွမ်းကျင်တဲ့ဆရာတွေ
အဲ့ဒီကာလက မပြည့်စုံလို့ဆိုတာ  နားလည်
ခဲ့ပါတယ်။ကျွန်တော်ကျွမ်းကျင်တဲ့ဘာသာကို အဓိကနားမလည်
လို့ဖြစ်တာ မသင်ကြားနိုင်လို့ဖြစ်တာကို သိခဲ့တာမို့
 အကောင်းဆုံးသင်ကြားပေးခဲ့ပါတယ်။

အဲ့ဒီအချိန်တက္ကသိုလ်ဝင်တန်းဓာတုဗေဒသင်ရိုးက
ကျွန်တော်တို့ခေတ်ဒုတိယနှစ်က စာတွေထိ
ပါဝင်နေပြီဖြစ်ပြီး ကလေးတွေအတွက်
ပြန်လည်လေ့လာပြီး နားလည်နိုင်ဖို့ နည်းစနစ်တွေ
တီထွင်လို့ သင်ကြားပေးခဲ့ပါတယ်။

တက္ကသိုလ်ဝင်တန်းစာမေးပွဲကို ကျွန်တော်သင်တဲ့ကလေး
တွေထဲက ကြိုးစားသူကလေးအောင်မြင်ခဲ့တဲ့အတွက်
ပင်ပန်းရကျိုး နပ်ခဲ့ပါတယ်။တာလေအထကခွဲအတွက်
ဘဲဥခွဲပေးခဲ့ဖူးတဲ့သူတစ်ယောက်အဖြစ်လည်း
မိမိကိုယ်တိုင်ဆောင်ရွက်ခဲ့တာမို့ ဂုဏ်ယူခဲ့ဖူးပါတယ်။

အခုဆိုရင် ကျွန်တော်သင်ကြားပေးခဲ့ပြီး
တက္ကသိုလ်ဝင်တန်းဆယ်တန်းအောင်မြင်ခဲ့တဲ့ 
တိုင်းရင်းသူလေးက တာချီလိတ်က အရေးပါတဲ့
အဖွဲ့အစည်းတစ်ခုမှာ အကြီးဆုံး
တာဝန်နဲ့အောင်မြင်နေတဲ့အတွက် ပိုလို့ဝမ်းသာ
ရပါတယ်။တာလေရောက်ရောက်ချင်း မှတ်မှတ်ရရ
တစ်နှစ်ဘဲ တက္ကသိုလ်ဝင်တန်းကို အခမဲ့ညဖက်
အိမ်မှာသင်ကြားပေးနိုင်ပြီး နောက်ပိုင်းနှစ်မှာတော့
ပညာရေးအလုပ်တွေ အခြားလူမှုရေးအဖွဲ့အစည်းတွေ
ပါဝင်လာတဲ့အတွက် သင်ချင်ပေမယ့် မသင်ဖြစ်ခဲ့တော့ပါဘူူး။
ဒါပေမယ့် ကျွန်တော် ဘီအီးဒီဘွဲ့သင်ကြားရတဲ့အခါမှာတော့
အခမဲ့ ဆယ်တန်းကလေးတွေကို စေတနာနဲ့
သင်ကြားခဲ့တဲ့အတွက် ဆယ်တန်းသင်ရိုးကို
လိုက်မီသွားတဲ့အတွက် Academic ဘာသာရပ်မှာ
အဆင်ပြေချောမွေ့စွာ ကျော်ဖြတ်နိုင်ခဲ့ပါတယ်။

ယနေ့ မိမိသင်ပေးခဲ့တဲ့ကလေးတွေအထကခွဲဘဝကနေ
၂၅နှစ်ပြည့် ငွေရတုအထကကျောင်းပွဲလုပ်တာ တွေ့ရတော့
တာလေကကလေးတွေအတွက် ပညာရေးမှာ
အရင်က မိမိတာဝန်ထမ်းဆောင်တဲ့ကာလကလို
ဆရာပြည့်စုံမှုမရှိတဲ့ အခြေအနေဆိုးတွေလွတ်မြောက်ခဲ့ပြီဆိုတာကို
တွေးတော ဝမ်းသာမိရင်း အတိတ်က အရိပ်တစ်ခုအား
ဆရာစိတ်ဖြင့် မှတ်တမ်းတင်မိပါတယ်ခင်ဗျား။

လေးစားလျက် ဦးမြင့်ဝင်းလှ
လက်ထောက်မြို့နယ်ပညာရေးမှူး
တာချီလိတ်မြို့နယ်
(၁၂.၄.၂၀၁၆) လက်ထောက်မြို့မှူးဘ၀ကရေးသားခဲ့သော facebook 
က Post တစ်ခု ဖြစ်ပါသည်။

Thursday, May 21, 2020

ကျောင်းစစ်ခရီးရသ

+++ နှင်းကိုက်မျက်နှာ မွဲပြာပြာလည်း

ကိုယ်လေ ဇွဲမာန် မလျော့ပါ။

+++ ဖုန်ထူနေပူ မျက်နှာထူအန်း

လေတိုက်ကြမ်းလည်း ...........

ကိုယ်လေအားမာန် မလျော့ပါ။

+++ ကျောင်းစစ်ရောက်ခိုက်

ဖြူစိမ်းဝတ်ဆင် ပြုံးပျော်ရွှင်လျက်

ကျောင်းသားဆရာ ချစ်ခင်စွာနဲ့

ကျောင်းမှာစာအံ စာတွေပြန်လျက်

မြင်သူကိုယ့်ရင် မောမထင်ပေါ့

ချမ်းမြေ့တော့သည် ................

မြင်သူ့့ရင်တွင်း ငြိမ်းချမ်းပြီ။

စိုင်းမြင့်ဝင်းလှ (ရှမ်းအရှေ့)

(၂၁.၅.၂၀၂၀) နံနက် (၁၁း၃၀)နာရီ

Saturday, April 4, 2020

မီးဘေးသင့် အမက ပုံတပ် သို့ရောက်ရှိခြင်း

မိုင္းဆတ္ၿမိဳ့နယ္ မိုင္းတြမ္းေတာင္ေပၚအုပ္စု ေဝးလံေခါင္ဖ်ား ေဒသ၌ရွိေသာ
လားဟူတိုင္းရင္းသားမ်ား ေနထိုင္ရာ ပုံတပ္ရြာေလး ျဖစ္ပါသည္။

(၂.၄.၂၀၂၀) မြန္းလြဲ (၂)နာရီတြင္ ေတာမီးေလာင္ရာမွ ရြာသို့
မီးကူးစက္ေလာင္ကၽြမ္းခဲ့ရာ မိသားစု(၃၂)စု မီးေဘးသင့္ခဲ့ပါသည္။

၂၀၁၉/၂၀၂ဝ ပညာသင္ႏွစ္တြင္ အမကအျဖစ္ ေက်ာင္းအဆင့္တိုးခဲ့ေသာ
လူထုအားျဖင့္ ေဆာက္လုပ္ထားေသာ အမကေက်ာင္းေဆာင္မွာလည္း
မီးေဘးသင့္ခဲ့ရပါသည္။

ၿမိဳ့နယ္အုပ္ခ်ဳပ္ေရးမွူးဦးၿငိမ္းေထြးႏွင့္ဌာနဆိုင္ရာမ်ား၊
လူမွုကူညီေရးအဖြဲ႕မ်ားက လိုအပ္သည္မ်ားကို
အားေပးကူညီမွုမ်ား ေဆာင္ရြက္ခဲ့ၾကပါသည္။

ဒုတိယၿမိဳ့နယ္ပညာေရးမွူးဦးျမင့္ဝင္းလွသည္
အဆိုပါ ခရီးစဥ္တြင္ လိုက္ပါ၍
ပညာေရးဌာနဆိုင္ရာမ်ား ေဆာင္ရြက္ခဲ့ပါသည္။

မြတ်မျိုးမြင့်မာန်

၃.၄.၂၀၂၀

ရင်ထဲက ခံစားချက်လေး တစ်ခု

ပြုစုတိုင်းသာ
ပန်းကလေးတွေ ပွင့်လန်းနေမယ်ဆိုရင်
ဥယျာဥ်မှူးကောင်း တယောက်အတွက်က
ဆူးစူးတာလောက်ကို
မမှုတော့ပါ ပန်းကလေးရေ။

မှိုင်း(ဓာတု)

၃.၄.၂၀၂၀

ခေတ်ပြ ကြေးမုံတစ်ချပ်
**************************
မိုင်းဆတ်မြို့က ဈေးထဲမှာ
ယနေ့ဝယ်ခဲ့တာ
သံပုရာသီး
လေးလုံး တစ်ထောင်ပါ။
မိုင်းဆတ်မှာ
ယခုအခါ COVID-19 လည်း
တည်ငြိမ်နေဆဲပါ။
လက်ရှိအခြေအနေပင်
သူတို့ကိုယ်ချင်းမစာနာ။
အတ္တဆန်တဲ့
လူသားတချို့ကြောင့်သာ
နွမ်းပါးသူအရေး အဖန်ဖန်တွေး
ကိုယ်ချင်းစာမိ အခါခါ ။
ဆန်ဈေးများလည်း
ဆယ်ပုံတစ်ပုံထပ်ဆောင်းလာ
အနာဂတ် စားဝတ်နေရေး
ချင့်တွေးကြဖို့
လိုအပ်လာပြီဗျာ။

မြတ်မျိုးမြင့်မာန်

(မိဘပြည်သူအတွက် ခံစားရေးသားရပါသည်) 4.4.2020 9;00 p:m

Thursday, April 2, 2020

ကျွန်တော် မချစ်တဲ့ ကိုဗစ်

ကျွန်တော် မချစ်တဲ့ ကိုဗစ်
*************************
ကနဦးကာလကတော့
အဝေးကြီးမှာ
ဆိုးလိုက်တဲ့ ဒီရောဂါ
သတင်းတစ်ခု အဖြစ်သာ ။

ခုတော့ နီးသထက် နီးလို့လာ
ကိုယ့်မြို့ကိုယ့်ရပ် ကိုယ့်နေရာ
အားလုံးပူပန်စရာ။

လိုက်နာသူတွေ များပေမယ့်
တစ်စုံတစ်ယောက်က
စည်းကမ်း ဖောက်ရင်
စိုးရိမ်စရာ အမှန်ပါ။

ဒီတစ်ခါတော့ တို့မြန်မာ
အားလုံး အားလုံး အားလုံး
စည်းကမ်းရှိကြစေချင်ပါတယ်ဗျာ။

မောင်သီးသန့် (ရန်ကင်း) / မြတ်မျိုးမြင့်မာန်
၃၀.၃.၂၀၂၀ မနက် ၅း၄၂ နာရီ