အချစ်ကဗျာများနှင့် ရသစာစု ခံစားမှုများ မှိုင်း(ဓာတု)

Tuesday, July 20, 2021

ဆည်းဆာအလွမ်း

Thursday, July 8, 2021

မိုးကိုတောင်းဆိုခြင်း

Sunday, June 13, 2021

အလွမ်းကဗျာလေးတစ်ပုဒ်

၁၁.၆.၂၀၂၁ တွင်ရေးသားခဲ့ပါသည်။

ကျွန်တော်မချစ်တဲ့ ကိုဗစ် (၄)

ကျွန်တော်မချစ်တဲ့ ကိုဗစ်ရေ

၂၀၂၀ခုကနေ ၂၀၂၁ခုနှစ်တောင်ကူးခဲ့လို့

ဆောင်းကနွေ နွေကမိုးပြောင်း

ရာသီအလီလီနှောင်းခဲ့ပြီလေ။

ကာကွယ်ဆေးတစ်ကြိမ်ထိုးပြီးပေမယ့်

သတိထားရအုံးမတဲ့

ညွှန်ကြားချက်နာခံရင်း

ကိုဗစ်အတင်းတွေ ဆက်ပြောရအုံးမှာပါ။

ဟိုနိုင်ငံမှာလည်း လူတွေသေဆုံးလို့

ဒီနိုင်ငံမှာတော့ အလောင်းတွေပုံလို့

စသဖြင့် စသဖြင့် ကိုဗစ်ရဲ့သတင်း

ကြောက်စရာ အဖြစ်သနင်းပေါ့ကွယ်။

ဒီရက်ပိုင်း တို့မြန်မာမှာ

ကိုဗစ်လူနာစာရင်း တက်လာတာမို့

သတိတွေချပ်ဖို့ အသိတွေလည်းတက်ဖို့

ဒီစာတွေနဲ့ နှိုးဆော်လိုက်ရပါတယ်။

ကျွန်တော်မချစ်တဲ့ ကိုဗစ်ရေ

မင်းလူ့ပြည်ကို ဒုက္ခပေးခဲ့တာ

ကြာလှပါပြီ ပြန်ပါတော့ ပြန်ပါတော့

ပြန်ပါတော့ ကိုဗစ်ရေ။

မှိုင်း(ဓာတု)

Monday, May 3, 2021

ဘာကြောင့်ပါလဲ လောကရယ်။

ဒီတောဒီတောင်တွေပေါ်ရောက်တုန်း

မဆင်းတော့ဘဲနေချင်မိတယ်။

ဒီနေရာမှာ လူဆိုးတွေမရှိဘူး။

ဒီနေရာမှာ မရိုးသားသူတွေမရှိဘူး။

ဒီနေရာဟာ မနာလိုဝန်တိုခြင်းတွေမရှိဘူး။

ဒီနေရာလို ငြိမ်းချမ်းမှုတွေ

မြို့ပြမှာ ဘာလို့မရှိရတာလဲ။

ဒီနေရာလိုဖြစ်အောင်

မြို့ပြကို ဘယ်လိုပြုပြင်ရမလဲ။

စဉ်းစားရင်း စဉ်းစားရင်း

အပြင်းဖျားတာကမှ

သက်သာအုံးမယ်ထင်ပါရဲ့ လောကရယ်။

မြတ်မျိုးမြင့်မာန်(၂၈.၄.၂၀၂၁)

ပညာရေးဆိုတာ အဖြူရောင်ပါ။

ပညာရေးဆိုတာ အဖြူရောင်အဖြစ်

သန့်စင်စွာ အမြဲတည်ရှိနေတာပါ။

မိမိရဲ့စိတ်အလိုနဲ့ မတိုက်ဆိုင်တိုင်း

လိုရာဆွဲပြီး ဘယ်လိုအရောင်ဆိုးပေမယ့်

ပညာရေးဆိုတာကတော့

အမြဲဖြူဖွေးသန့်စင်ပြီးသားပါ။

ပညာရေးကို အသုံးပြုမယ့်

အာစရိယဆရာတွေကတော့

အရေးကြီးလှပါတယ်။

စိတ်ဓာတ်ဖြူစင်တဲ့

ဆရာ့စေတနာနဲ့

ပညာဆိုတဲ့ ဖြူစင်ပြီးသားအရာကို

အသုံးပြုသင်ကြားရင်

ဘယ်အချိန်ပညာသင်သင်

ပညာသင်ယူသူ

ကလေးများအတွက်

အကျိုးများလှပါတယ်။

ဦးမြင့်ဝင်းလှ(ပညာရေး)

မြတ်မျိုးမြင့်မာန်၊မှိုင်း(ဓာတု)

မြန်မာနိုင်ငံစာရေးဆရာအသင်းဝင်အမှတ်(၇၅၅၂)

(၁.၅.၂၀၂၁)

မောဟကမ္ဘာ

ဪ.. လူ့ဘောင်လောက

ဤဌာနကား

ခဏမခြား

မောဟများဖြင့်

စီထားပန်းကုံး

လှမဆုံးဆင်ယင်

အပြုံးတုရင်ပြင်နဲ့

သောကအသွင်များပါတကား။

မြတ်မျိုးမြင့်မာန်

(၄.၅.၂၀၂၁)

facebook စာမျက်နှာပေါ်က ဓာတ်ပုံတစ်ပုံအား ကူးယူခံစားဖော်ပြပါသည်။