ယနေ့ (၁၀.၆.၂၀၁၈) နံနက် ၁၀ နာရီတွင် တာချီလိတ်မြို့နယ် မိုင်းကိုးကျေးရွာအုပ်စု ပါဘီး(၅)ရွာတွင်
အခြေခံပညာမူလတန်းကျောင်းခွဲမှ အခြေခံပညာမူလတန်းကျောင်းအဆင့် တိုးမြှင့်ဖွင့်လှစ်ပွဲကို ကျင်းပပြုလုပ်ခဲ့ပါသည်။
အခမ်းအနားသို့ တာချီလိတ်မြို့နယ်ပညာရေးမှူးကိုယ်စား လက်ထောက်မြို့နယ်ပညာရေးမှူး
ဦးမြင့်ဝင်းလှ တက်ရောက်ပြီး ကျေးရွာအုပ်စုတွင်းမှ ကျောင်းအုပ်ကြီးများ၊ဆရာဆရာမများ
ဒေသအာဏာပိုင်များ၊မိဘပြည်သူများနှင့်ကျောင်းသားကျောင်းသူများတက်ရောက်ခဲ့ပါသည်။
အခမ်းအနားတွင် လက်ထောက်မြို့နယ်ပညာရေးမှူးဦးမြင့်ဝင်းလှက အဖွင့်အမှာစကားပြောကြား
ခဲ့ပါသည်။ထို့နောက် ကျောင်းအုပ်စုမှူး(ငြိမ်း)ဦးညွန့်ဖေနှင့် တာဝန်ခံကျောင်းအုပ်ဦးရဲမင်းထွေးတို့က
ကျောင်းအဆင့်တိုးခြင်းဆိုင်ရာ အမှာစကားပြောကြားကြပါသည်။ ကျေးရွာသူကြီးကိုယ်စား ရပ်မိရပ်ဖ
မူလတန်းကျောင်းအုပ်အငြိမ်းစား အသက် (၇၃)နှစ်ရှိပြီဖြစ်သော ဒေသခံဆရာကြီးဦးဘထွန်းက
ကျေးဇူးတင်စကားပြောကြားခဲ့ပါသည်။
အခမ်းအနားအား နံနက်၁၁း၃၀ နာရီတွင်အောင်မြင်စွာပြီးမြောက်ခဲ့ကြောင်းသိရှိရပါသည်။
သတင်းပေးပို့သူ - မြတ်မျိုးမြင့်မာန်
No comments:
Post a Comment