ကြေကွဲလို့ကျတဲ့ မျက်ရည်
သူ့မျက်ရည်တွေဘဲပေါ့လေ။
ကြေကွဲလို့ကျတဲ့မျက်ရည်
ကိုယ့်မျက်ရည်တွေဘဲပေါ့လေ။
ကြေကွဲခြင်းခပ်သိမ်း
ကင်းငြိမ်းကြပါစေ။
အသက်အတွက် ကျတဲ့မျက်ရည်
နာကျင်မှုအတွက် ကျတဲ့မျက်ရည်
သူ့ဘက်ကိုယ့်ဘက် ကျတဲ့မျက်ရည်
တို့များနှလုံးသားတွေထဲက
ထွက်ပေါ်လာသည်ဘဲလေ
ထိုထိုမျက်ရည်များ ကင်းငြိမ်းကြပါစေ။
အမုန်းကြောင့် ဖြစ်လာတဲ့မျက်ရည်
ကုန်ဆုံးနိုင်ပါစေ။
အပြုံးကြောင့်ကျတဲ့ ပီတိမျက်ရည်
ထာဝရ စီးဆင်းနိုင်ပါစေ။
မြတ်ဗုဒ္ဓ ဆိုဆုံးမစကားများ
နှလုံးသွင်း၍ အမုန်းကင်းနိုင်ကြပါစေ။
မြတ်မျိုးမြင့်မာန်
No comments:
Post a Comment