အတ္တနိဂုံး အဆုံးမသတ်သာ

 

အရောင်တစ်ခုအား စွဲလန်းလွန်မိသူ ကိုယ်စား ခံစားစပ်ဆိုပါသည်။  ၁၄.၄.၂၀၂၁

နွေဦးဆန္ဒ

 

နွေဦးတပို့တွဲ

ကာလထဲမှာ 

ငြိမ်မြဲအေးချမ်း 

ဥဩမှန်းဆ 

သာစမ်းပလေ 

ရှမ်းတို့မြေမှာ 

ကိုယ်လေရေးထုတ် 

ကဗျာတစ်ပုဒ်ပါ ချစ်သူရေ။ 

မတူတာတွေ 

တူကြစေဖို့  

ညှိလေကွဲလေ 

ကာလတွေမှာ 

အဝေးကမေ 

ကိုယ့်စိတ်တွေနဲ့ 

တူနေပါစေ 

တောင်းဆုချွေသည် 

ပျော်စေလန်းစေ ချစ်သူရေ။

                မှိုင်း(ဓာတု)

၂.၃.၂၀၂၁ (တောင်သူလယ်သမားနေ့)

စာကြွင်း။ မတူညီသူ အားလုံးတူညီ စည်းလုံးစွာဖြင့် အမိမြန်မာ

ပြည်ကြီးအတွက်  တက်ညီလက်ညီကြိုးစားကြသောကာလအား

အမြန်ရောက်ပါစေရန် ဆုတောင်းလျက်ရေးသားစပ်ဆိုမိပါသည်။

မျက်ရည် ဆုတောင်း

 

ကြေကွဲလို့ကျတဲ့ မျက်ရည်

သူ့မျက်ရည်တွေဘဲပေါ့လေ။

ကြေကွဲလို့ကျတဲ့မျက်ရည်

ကိုယ့်မျက်ရည်တွေဘဲပေါ့လေ။

ကြေကွဲခြင်းခပ်သိမ်း 

ကင်းငြိမ်းကြပါစေ။

အသက်အတွက် ကျတဲ့မျက်ရည်

နာကျင်မှုအတွက် ကျတဲ့မျက်ရည်

သူ့ဘက်ကိုယ့်ဘက် ကျတဲ့မျက်ရည်

တို့များနှလုံးသားတွေထဲက

ထွက်ပေါ်လာသည်ဘဲလေ

ထိုထိုမျက်ရည်များ ကင်းငြိမ်းကြပါစေ။

အမုန်းကြောင့် ဖြစ်လာတဲ့မျက်ရည်

ကုန်ဆုံးနိုင်ပါစေ။

အပြုံးကြောင့်ကျတဲ့ ပီတိမျက်ရည်

ထာဝရ စီးဆင်းနိုင်ပါစေ။

မြတ်ဗုဒ္ဓ ဆိုဆုံးမစကားများ

နှလုံးသွင်း၍ အမုန်းကင်းနိုင်ကြပါစေ။

မြတ်မျိုးမြင့်မာန်

အကျွန်၏စေတနာဆုတောင်းလွှာ

 

ပန်းတွေလည်း ပွင့်ပါစေ 

အလွမ်းတွေလည်း လွင့်ပါစေ။ 

အနမ်းတွေလည်း မွှေးပါစေ 

စမ်းရေလည်း အေးပါစေ။ 

လောကကြီးလည်း 

သာယာစို‌ပြည်ပါစေ။ 

မှိုင်း(ဓာတု)

ဆောင်းဆုတောင်း

 

ချမ်းမြေ့ပါစေ

တောင်းဆုချွေသည်

ဆောင်းဝေပန်းတွေ

လန်းကြစေ။

မှိုင်း(ဓာတု)

ဆရာဟူသည်..

 

တောင်တန်းမှာပျော်

တောမှာပျော်သည်

ပညာဝေမျှ

ဆရာဘဝ

ကြည်နူးခြင်းက

နှိုင်းမရ။

စိုင်းမြင့်ဝင်းလှ(ရှမ်းအရှေ့)

(၁၇.၁.၂၀၂၁)

ကျွန်တော်မချစ်တဲ့ ကိုဗစ်-၄ (သို့မဟုတ်) ကိုဗစ်သာ ကြားနိုင်မယ်ဆိုရင်

 

ကိုဗစ်ရေ

မင်းလာတာလည်း ကြာပေါ့။

မင်းကမမောပေမယ့်

လူသားတွေကတော့ မောလှပါပြီ။

ကိုဗစ်ရေ

မင်းကြောင့်

သွားချင်တိုင်းမသွားရ

လာချင်တိုင်းမလာရ

တို့တွေဘဝ မိဘဆွေမျိုးတွေနဲ့

နီးမလိုနဲ့ ဝေးနေရတာလည်း များလှပါပြီ။

ကိုဗစ်ရေ

မင်းကို အစကတည်းက 

မချစ်ခဲ့ပါဘူး။

အခုလည်း မချစ်ပါဘူး။

အဲ့ဒါကြောင့် 

မချစ်မနှစ်သက်သူတွေအနားက

ထွက်သွားသင့်ပါပြီ။

ကိုဗစ်ရေ

အသွင်ပြောင်းကိုဗစ်အဖြစ်

ဉရောပ၊အာဖရိက နိုင်ငံတချို့မှာ

မင်းကတော့ ဒုက္ခပေးနေပြန်ပြီနော်။

တို့နိုင်ငံမှာတော့

မလာဖြစ်နဲ့တော့နော် ကိုဗစ်ရေ။

ကိုဗစ်ရေ

ကျွန်တော်မချစ် 

ဘယ်သူမှလည်းမချစ်

အားလုံးကမချစ်တာကို

အဖြစ်သနစ်တွေကလည်း

သက်သေပြလှပါပြီ။

သင်ချွေခဲ့တဲ့ အသက်တွေ

သင်ဖျက်ဆီးခဲ့တဲ့ ဘဝတွေအတွက်

သင်ပေးဆပ်ဖို့တော့ ရှိပါတယ်။

ကမ္ဘာ့သမိုင်းမှာကော

မြန်မာ့သမိုင်းမှာပါ

သင့်သမိုင်းဆိုးကြီးကတော့

လူ့ဘောင်သမိုင်းမှာ 

သင့်အမည်ဆိုးကြီးကတော့

မှတ်ကျောက်တင်ခဲ့မှာပါ

ကျွန်တော်မချစ်တဲ့ ကိုဗစ်ရာ။

မောင်သီးသန့်(ရန်ကင်း) /

မြတ်မျိုးမြင့်မာန်

(၂၅.၁၂.၂၀၂၀) ခရစ်စမတ်နေ့တွင် ခံစားတင်ပြသည်။