နှင်းကြားကအလွမ်း

 

အသိတစ်ခုမျှဝေခြင်း

မူလတန်းကျောင်းအုပ်

ပေစုတ်စုတ် နေလို့တော့မရဘူး

သင်တို့ဟာ သင်နေတဲ့ရပ်ရွာမှာ

ပညာရေးရဲ့မီးရှူးတန်ဆောင်

ပညာရေးရဲ့ဦးဆောင်ဆိုတာ

အသင်တို့နားလည်ပါ

ညီလေးညီမလေးတို့ရာ။

ပညာရေးဝန်ထမ်းဆိုတာ

မြန်မာမှာ ဝင်လာကတည်းက

သူဌေးဖြစ်ဖို့ ဇာတာမပါတာ

နှလုံးပိုက် ဆုံးဖြတ်လိုက်ပြီးမှ

ဝင်လာသင့်တဲ့အရပ်ပါ။

ရိက္ခာ ထက် သိက္ခာ ကို

ဦးစားပေးလို့

ကလေးတွေရဲ့ပညာရေး

ဒေသရဲ့ပညာရေး

အချိန်တွေပေးရင်း

ဇရာကို ရောက်ချိန်တောင်

ပီတိကိုသာစားလို့

အားပြည့်နေရသူတွေပါ။

ကလေးတွေ နမူနာယူ

ကြိုးစားသူတွေဖြစ်အောင်

ကျောင်းအုပ်ကြီး ကိုယ်တိုင်က

စိတ်ဓာတ်၊စည်းကမ်း၊ပညာ ပြည့်ဝမှ

သူတို့လေးတွေ တချိန်ကျရင်

ခေါင်းဆောင်ကောင်းတွေ ဖြစ်နိုင်ကြလိမ့်မယ်။

ဘယ်လိုဘဲဖြစ်ဖြစ်

သင်တို့ဟာ

ပညာရေးရဲ့မီးရှူးတန်ဆောင်

ပညာရေးရဲ့ဦးဆောင်သူတွေဆိုတာ

အမြဲသတိပြုကြပါကွယ်။

ဦးမြင့်ဝင်းလှ ၊ဒုတိယမြို့နယ်ပညာရေးမှူး

စာကြွင်း။ မိမိ မူလတန်းကျောင်းအုပ်(မူလွန်ကျောင်းအုပ်)ဘဝက ဓာတ်ပုံလေး တစ်ပုံအား

တင်ပြထားပါသည်။ယခုကဲ့သို့Android ဖုန်း အိုင်ဖုန်းများကွန်ပျူတာများ မပေါများသေးခင်ကာလက

ရိုက်ကူးခဲ့သောပုံလေးဖြစ်ပါသည်။ ကျောင်းအုပ်နှင့်တူသောကျောင်းအုပ်များဖြစ်စေချင်၍

ရေးရခြင်းလည်းဖြစ်ပါသည်။ ရပ်ရွာမိဘနှင့်ကျောင်းသားများ ရိုသေလေးစားသောကျောင်းအုပ်၊

ဆရာ/ဆရာမများအဖြစ် မြင်စေချင်သောစေတနာကြောင့်ဖြစ်ပါသည်။

 

မျှော်လင့်ခြင်းည

 

    

     (၂၂.၈.၂၀၂၁) ဝါခေါင်လပြည့်ည(၁၀)နာရီတွင် ရေးသားပါသည်။

ကာရန်မဲ့လွင့်မျောခြင်း တဒင်္ဂ

 

ဘဝဆိုတာ

တိုက်ပွဲတစ်ခုဆိုတာ

ဆရာကြီးပီမိုးနင်းဆီက

ကလေးဘဝမှာ

စသိခဲ့ရတယ်။

ခယောင်းလမ်းကို

ဖြတ်ကျော်ခြင်းဆိုတဲ့

ဆရာနန္ဒသိန်းဇံရဲ့

အတွေးအခေါ်စာအုပ်နဲ့

ဘဝကို ကောင်းစွာဖြတ်သန်းနိုင်ခဲ့တယ်။

စာအုပ်တွေ...စာအုပ်တွေ...စာအုပ်တွေဟာ

ကျွန်တော့်ဘဝရဲ့

လမ်းပြကြယ်တွေပါဘဲ။

ဘုရားမှာ ဗုဒ္ဓ

လူမှာ အောင်ဆန်း

ကိုးကွယ်မှုလမ်းမမှာ

မိရိုးဖလာနဲ့ မိဘပတ်ဝန်းကျင်အကြား

လူငယ်ဘဝ မှန်ကန်စွာဖြတ်သန်းခဲ့ရတယ်။

ဆိုရှယ်လစ်အစိုးရကစလို့

အစိုးရအဆက်ဆက်

အခုထက်ထိ အတွေ့အကြုံတွေကများ

အသက်ကငါးဆယ်ကျော်သွားပြီလောကရယ်။

အမှားကိုလည်းသိခဲ့တယ်။

အမှန်ကိုလည်းသိခဲ့တယ်။

အမှန်နဲ့အမှားကြား

အပြန်အလှန်သဘောတရားများကိုသိလို့

နေတတ်ခဲ့ပြီပေါ့ကွယ်။

လက်ရှိပစ္စုပ္ပန်မှာ..

လူသားအကျိုးပြုကိုဘဲလုပ်ရတဲ့

ကိုယ့်ရဲအသက်မွေးဝမ်းကျောင်းအလုပ်

ပညာရေး..ပညာရေး.....ပညာရေးရယ်

တစ်သက်မှာ တစ်ခါကြုံဖူးတဲ့

ကိုယ်မချစ်တဲ့ကိုဗစ်ရယ်နဲ့

ဘာတွေဆက်ဖြစ်မယ်ဆိုတာ

မခန့်မှန်းနိုင်တာမို့

မိတ်ဆွေအားလုံးကျန်းမာဖို့ရယ်

မိဘဆွေမျိုးဇနီးသားသမီး ကျန်းမာဖို့ရယ်

ကိုယ်ပါ ဒီကပ်ဆိုးမှာမပါဖို့ရယ်

ဆုတောင်းရင်းနဲ့....

ကာရန်မဲ့စာသားတွေအကြား

ပြေးလွှားရင်းပေါ့ လောကရယ်။

မြတ်မျိုးမြင့်မာန်

(၄.၈.၂၀၂၁)

အဖြူရောင်ချစ်သူ

 

တဏှာမပါ ဖြူစင်စွာနဲ့

မင်းရဲ့အလှ တဒင်္ဂမှာ

ငေးမောကြည့်ရင်း ချစ်ဖူးတယ်။

တသက်တာလည်း မမှန်းရဲ

တွေ့ဆုံစဉ်လေး ပီတိအတွေးနဲ့

မင်းပျော်စေဖို့ဘဲ တွေးဖူးတယ်။

ကိုယ်ချစ်တာလဲ သူမသိ

သူသိစေဖို့လည်း ကိုယ့်မှာဆန္ဒမရှိ

အဖြူရောင်အချစ်တွေဘဲပေါ့ကွယ်။

ခုချိန်ခါ အဝေးကြီးမှာ

မင်းအတွက်လည်း ငါမဟုတ်တာ

ငါ့အတွက်လည်း မင်းမဟုတ်တာ

မင်းမသိပါလည်း

အတွင်းသိတဲ့ ကိုယ်ကတော့

ဆွေးမိစဉ် တသသမဖြစ်ဖို့

မေးကြည့်ရင် တစ်စတစ်စ

လွမ်းမိမှာမို့လို့

မင်းကို သတိတရ အမှတ်တရ

ရေးမိတဲ့ ကဗျာတိုစတွေ

ဟိုးအဝေးကို လွင့်ပျံစေလို့

စေလိုရာစေ သွားစေတော့မယ်ကွယ်။

မှိုင်း(ဓာတု)

(၄.၈.၂၀၂၁)

1Nang Nwe Nwe Aung