ဒီတောဒီတောင်တွေပေါ်ရောက်တုန်း
မဆင်းတော့ဘဲနေချင်မိတယ်။
ဒီနေရာမှာ လူဆိုးတွေမရှိဘူး။
ဒီနေရာမှာ မရိုးသားသူတွေမရှိဘူး။
ဒီနေရာဟာ မနာလိုဝန်တိုခြင်းတွေမရှိဘူး။
ဒီနေရာလို ငြိမ်းချမ်းမှုတွေ
မြို့ပြမှာ ဘာလို့မရှိရတာလဲ။
ဒီနေရာလိုဖြစ်အောင်
မြို့ပြကို ဘယ်လိုပြုပြင်ရမလဲ။
စဉ်းစားရင်း စဉ်းစားရင်း
အပြင်းဖျားတာကမှ
သက်သာအုံးမယ်ထင်ပါရဲ့ လောကရယ်။
မြတ်မျိုးမြင့်မာန်(၂၈.၄.၂၀၂၁)
ပညာရေးဆိုတာ အဖြူရောင်အဖြစ်
သန့်စင်စွာ အမြဲတည်ရှိနေတာပါ။
မိမိရဲ့စိတ်အလိုနဲ့ မတိုက်ဆိုင်တိုင်း
လိုရာဆွဲပြီး ဘယ်လိုအရောင်ဆိုးပေမယ့်
ပညာရေးဆိုတာကတော့
အမြဲဖြူဖွေးသန့်စင်ပြီးသားပါ။
ပညာရေးကို အသုံးပြုမယ့်
အာစရိယဆရာတွေကတော့
အရေးကြီးလှပါတယ်။
စိတ်ဓာတ်ဖြူစင်တဲ့
ဆရာ့စေတနာနဲ့
ပညာဆိုတဲ့ ဖြူစင်ပြီးသားအရာကို
အသုံးပြုသင်ကြားရင်
ဘယ်အချိန်ပညာသင်သင်
ပညာသင်ယူသူ
ကလေးများအတွက်
အကျိုးများလှပါတယ်။
ဦးမြင့်ဝင်းလှ(ပညာရေး)
မြတ်မျိုးမြင့်မာန်၊မှိုင်း(ဓာတု)
မြန်မာနိုင်ငံစာရေးဆရာအသင်းဝင်အမှတ်(၇၅၅၂)
(၁.၅.၂၀၂၁)
နွေဦးတပို့တွဲ
ကာလထဲမှာ
ငြိမ်မြဲအေးချမ်း
ဥဩမှန်းဆ
သာစမ်းပလေ
ရှမ်းတို့မြေမှာ
ကိုယ်လေရေးထုတ်
ကဗျာတစ်ပုဒ်ပါ ချစ်သူရေ။
မတူတာတွေ
တူကြစေဖို့
ညှိလေကွဲလေ
ကာလတွေမှာ
အဝေးကမေ
ကိုယ့်စိတ်တွေနဲ့
တူနေပါစေ
တောင်းဆုချွေသည်
ပျော်စေလန်းစေ ချစ်သူရေ။
မှိုင်း(ဓာတု)
၂.၃.၂၀၂၁ (တောင်သူလယ်သမားနေ့)
စာကြွင်း။ မတူညီသူ အားလုံးတူညီ စည်းလုံးစွာဖြင့် အမိမြန်မာ
ပြည်ကြီးအတွက် တက်ညီလက်ညီကြိုးစားကြသောကာလအား
အမြန်ရောက်ပါစေရန် ဆုတောင်းလျက်ရေးသားစပ်ဆိုမိပါသည်။
ကြေကွဲလို့ကျတဲ့ မျက်ရည်
သူ့မျက်ရည်တွေဘဲပေါ့လေ။
ကြေကွဲလို့ကျတဲ့မျက်ရည်
ကိုယ့်မျက်ရည်တွေဘဲပေါ့လေ။
ကြေကွဲခြင်းခပ်သိမ်း
ကင်းငြိမ်းကြပါစေ။
အသက်အတွက် ကျတဲ့မျက်ရည်
နာကျင်မှုအတွက် ကျတဲ့မျက်ရည်
သူ့ဘက်ကိုယ့်ဘက် ကျတဲ့မျက်ရည်
တို့များနှလုံးသားတွေထဲက
ထွက်ပေါ်လာသည်ဘဲလေ
ထိုထိုမျက်ရည်များ ကင်းငြိမ်းကြပါစေ။
အမုန်းကြောင့် ဖြစ်လာတဲ့မျက်ရည်
ကုန်ဆုံးနိုင်ပါစေ။
အပြုံးကြောင့်ကျတဲ့ ပီတိမျက်ရည်
ထာဝရ စီးဆင်းနိုင်ပါစေ။
မြတ်ဗုဒ္ဓ ဆိုဆုံးမစကားများ
နှလုံးသွင်း၍ အမုန်းကင်းနိုင်ကြပါစေ။
မြတ်မျိုးမြင့်မာန်
ပန်းတွေလည်း ပွင့်ပါစေ
အလွမ်းတွေလည်း လွင့်ပါစေ။
အနမ်းတွေလည်း မွှေးပါစေ
စမ်းရေလည်း အေးပါစေ။
လောကကြီးလည်း
သာယာစိုပြည်ပါစေ။
မှိုင်း(ဓာတု)
နွေအကူး ကြွေပေဦးတော့ ဗန်ဒါရေ။ မင်းအလှည့် ပြီးပြန်တော့ ကျွန်းရယ် မဟော်ဂနီရယ် ရောက်လာအုံးမယ်လေ ။ ရွက်ဝါကြွေ ရွက်သစ်ဦး အပျော်ဦးတာက ဗန်ဒါလ...
